Debate Osamento 2011 : Komparasaun osamento F-DTL nian.
Written by JTP Team Thursday, 13 January 2011 20:57
Guverno comesa apresenta osamento iha parlamento nasional. Durante tinan 3 ukun, Guverno AMP sempre hakarak kria kondisaun diak ba povo Timor Leste. Iha osamento agora dadaun guverno kria fundo rua nebe importante. Fundo rua ne’e mak permeiro fundo capital humano. Fundo ida ne’e para atu dezemvolvi didiak e kordenado ba kriasaun sumber daya manusia nebe diak ba Timor Leste. Durante ne’e husi permeiro guverno constitusional to’o 2010 sempre fo kbit ba ministerio ida-ida para organiza ninia dezemvolvimento recursus nian agora dezemvolvimento ida ne’e sentralizado, cordenado e kombinado purtanto osamento programa husi ministerio ida-ida depois osamento ida ne’e integrado. Purtantu bele hare didiak prioridade siencia ka skill saida mak sai prioridade ba nasaun ida ne’e. Sigundo, fundo de infrastrutura. Fundo ida ne’e importante tamba aumenta tan infrastrutura nebe iha teritorio tomak. Iha ponte balun seidauk halo, sidauk hadia’a. Iha irigasaun balun seidauk halo, iha quartel CAS e Centro Formasaun Militar sidauk halo, Caserna Naval ida seidauk hotu, dalan balun seidauk aspal e seluk tan nebe labele temi ida-ida.
Oposisaun nafatin hanesan bain-bain hato’o ninia lamentasaun ba osamento estado nian. Fretilin kritika makas ba legalidade osamento special. Kritika mos diskursu PM nian nebe koalia konaba eletresidade e seluk tan.
Permeiro Ministro nudar lider guvernasaun hatudu ninia maturidade politika nafatin. Simu kritika e responde kritika nebe Fretilin hato’o hamutuk ho Ministra Financas.
Ba stabilidade Permeiro inistro hato’o katak tinan 2011 tinan ida nebe sei nakunu ho Paz e stabilidade. Timor Leste iha esperiencia kada tinan 2 iha krise. Purzemplu 2002 violencia demonstrasaun sunu Dr. Marie Alkatiri nia uma e ema ida mate hetan tiru. 2004 iha violencia iha lospalos involve F-FDTL. Guverno iha tempo neba hamutuk PR hari comisaun ida Sr. Jose Manuel Fernandes mak lidera atu investiga kazu ne’e. tinan 2006 krize politica military boot iha rai ida ne’e e guverno bolu fali ISF e UN mai fali Timor Leste. Tinan 2008 iha atentado ba chefi estado e chefi guverno. Atentado ida ne’e hamosu OPERASAUN CONJUNTO F-FDTL e PNTL nebe susesu boot iha historia Timor Leste. Maibe iha tinan 2010 ita la iha krize, ne’e katak ita Guverno, Presidente, Parlemento, oposisaun, povo tomak fo ninia kontribusaun hakotu hahalok violencia kada tinan 2 ne’e. Deputado Mesquita husi PUN hato’o katak nia urgulho ho stabilidade nebe guverno ho estado ida ne’e hari’i.
1. Iha diskursus Permeiro Ministro temi orsamento balun konaba F-FDTL e PNTL :
7,5 miloens para a desmobilizasaub das falintil.
548 mil dolares para formacao de oficiais das f-fdtl e pntl no estrangeiro
65 mil dolares para recrutamento F-FDTL e PNTL
2. Orsamento F-FDTL nian.
Konaba orsamento F-FDTL nian tenki esplika klaru ba publika katak Guverno AMP iha duni intensaun makas para dezemvolvi militar ida nebe professional iha rai doben ida ne’e. iha 2007 osamento ba F-FDTL ho montante 2.995 miloens dolar amerikano (4.65 %) husi total osamento 64.400 miloens. Iha tinan 2008 osamento ba F-FDTL hamutuk 20.131 (5.30 %) husi total osamento estado nian 380.000 miloens dolar amerikano. 2009 osamento ba F-FDTL hamutuk 34.753 (5.06%) husi total osamento estado 687.000. tinan 2010 osamento ba F-FDTL hamutuk 28.613 (3.41 %) husi total osamento estado 837.900. e iha 2011 osamento F-FDTL tun ba 2.51 % ou 24.713 husi osamento geral estado 985.000. husi total osamento hotu durante AMP ukun prosentasen osamento ba F-FDTL hamutuk 3.17 % ou 111.205 husi osamento geral estado durante AMP ukun to’o 2011 hamutuk 2,954,300 biloens dolar amerikano.
Kompara ho osamento estado tinan 2002 to’o 2007 guverno Fretilin nian osamento ba F-FDTL sa’e makas too 33 % kompara ho osamento guverno uluk. Tuuir mai osamento ba Defesa durante guverno anterior nian :
Iha tinan 2002-2003 osamento ba F-FDTL hamutuk 4.795 miloens dolar Amerikano. Tinan 2003-2004 osan ba F-FDTL 3.051 dolar amerikano. Tinan 2004-2005 osamento ba F-FDTL hamutuk 6.570 miloens dolar amerikano. Tinan 2005-2006 osamento ba FFDTL hamutuk 9,670 miloens dolar amerikano. Tinan 2006-2007 osan ba F-FDTL hamutuk 12,872 miloens dolar amerikano.
